Na XVI Internacionalnom takmičenju mladih harmonikaša "Zvezdane staze", koje se održavalo prethodnih dana u Kragujevcu, uspješni su bili i učenici Osnovne muzičke škole „Dara Čokorilo“ – Odsjek za harmoniku.
Tako su prve nagrade otišle u ruke Vuka Vujačića, učenika petog razreda u klasi prof. Ljiljane Radović i Dimitrija Kneževića, učenika osmog razreda u klasi prof. Vesne Šarac.
„Takmičari iz zemalja regiona i Evrope nastupili su pred stručnim žirijem koji je sastavljen od eminentnih akademskih profesora, pa je uspjeh naših učenika i njihovih mentora još jedan pokazatelj da su talenat i vrijedan rad siguran put ka uspjehu“, naveli su iz Muzičke škole „Dara Čokorilo“.
