U prvih 10 minuta naša selekcija je čak tri puta zaprijetila. Stanović i Kuč nijesu bile precizne iz izglednih pozicija, dok je udarac Bulatović iskosa sa lijeve strane odbranila golmanka Andore.
U 20. minutu naša golmanka Ajša Kalač je loše ispucala loptu, koja je došla do Sin, koja je iskosa sa desne strane šutirala malo preko prečke.
Nakon toga su Kuč i Karličić su propustili dobre prilike, prije nego što je Bulatović u 27. minutu preciznim udarcem sa desetak metara pogodila donji desni ugao gola Andore.
Prednost naše selekcije u 37. minutu duplirala je Đoković kada je glavom sa pet metara poslala loptu u mrežu i tako krunisala sjajan centraštu Bulatović.
Ipak, u 41. gošće su se divnim pogotkom Armnegol iz slobodnjaka vratile u igru 2:1.
Ipak, nije to poremetilo naše djevojke, koje su 51. minutu opet stigle do dva gola prednosti. Tomašević je sjajno centrirala sa desne strane, a sve je pratila Dešić i iz blizine poslala loptu u gol 3:1.
Dešić je pola sata prije kraja povisila na 4:1. Pogodila je glavom nakon ubacivanja sa desne strane, nakon što je golmanka Andore loše procijenila let lopte.
U 72. minutu Tomašević je uposlila Kuč, koja je pokušala sa 13-14 metara, ali joj je golmanka Andore dobro ušla u šut, pa je ostalo 4:1.
Nedugo zatim, međutim, opet se zatresla mreža gošći. Dešić je centrirala, a Božić glavom pogodila donji desni ugao 5:1.
Konačan rezultat postavila je Bulatović iz penala u nadoknadi vremena.
