Tim Zorana Glomazića imao je dvocifrenu prednost nakon prve četvrtine, vodio je i na poluvremenu, da bi uporni domaćin uspio da do kraja treće dionice stigne do izjednačenja, a potom i do preokreta.
Vjerovatno je i umor uticao na konačan ishod jer je ovo bila treća utakmica Sutjeske u posljednjih šest dana.
“Čestitam Splitu na pobjedi, bila je ovo dobra, čvrsta utakmica. Mi smo do posljednje četvrtine bili u prednosti, ali Split je u drugom dijelu pogodio dosta otvorenih šuteva. Nemam što zamjeriti svojim momcima, osim što smo ostali bez koncentracije kada se utakmica lomila. Split je ovom pobjedom došao na korak do plasmana među četiri, a mi imamo još svoja nadanja”, istakao je nakon meča trener Nikšićana.
Sutjeska nakon 19 kola ima skor od devet pobjeda i deset poraza, a trenutno zauzima petu poziciju.
