Muratović: JKP sklonilo kontejnere, Komunalna policija će se baviti nesavjesnim građanima

Kako je dodao, ne planira se postavljanje kontejnera opet, već domaćinstva imaju korpe u kojima mogu da odlažu otpad, po koji će komunalne službe dolaziti i odnositi, kao i u drugim djelovima grada.

S obzirom da se odlaganje otpada na ovom mjestu nastavlja iako su uklonjeni kontejneri te mu prijeti opasnost da postane divlja deponije, Muratović je kazao da će se, ukoliko dođe do toga, time pozabaviti Komunalna policija.

“Imamo Komunalnu policiju, prijaviće se problem pa će se oni baviti time i nesavjesnim građanima”, kazao je on.

Podsjetimo, na Vidrovanu, u blizini rijeke Zete, ovih dana se može vidjeti gomila smeća i otpada na mjestu gdje su do prije nedelju dana bila tri kontejnera.

Iako je KP uklonilo kontejnere, kako bi spriječilo odlaganje raznih vrsta otpada, između ostalog i lešina životinja, nesavjesni pojedinci nastavili su sa tom “praksom”, pa ovom mjestu koje se nalazi u blizini vodoizvorišta Vidrovan i rijeke Zete, prijeti opasnost da postane deponija.