Ove preporuke, kako kažu, odnose se i na one koji dolaze ili namjeravaju doći u Župu da se ponašaju odgovorno i svojim postupcima ne ugrožavaju druge. To se, kako ističu, naročito odnosi na one koji u Župu dolaze iz rizičnih područja.
“Kao zajednica moramo biti spremni na sve situacije, jer isključivo svojim ponašanjem možemo pomoći da se smanji uticaj na zdravlje naših sugrađana. Uvjereni smo da kao zajednica moramo biti dobro organizovani i disciplinovani da rizike smanjimo na najmanju moguću mjeru. Mnoge navike koje kao zajednica i pojedinci imamo u ovoj situaciji nijesu dobre i moramo ih svesti na najmanju moguću mjeru”, navode oni.
Organizacija će, kako dodaju, sve svoje aktivnosti koje su bile planirane da se održe u Župi odložiti do daljnjeg.
“Kao i u mnogim teškim vremenima koji su prolazili ovim krajem, budimo odgovorni, nadajmo se najboljem i poštujmo preporuke namijenjene kako pojedincima tako i zajednici”, poručili su oni.
