Ovoga puta gosti škole bila su mališani vrtića “Kosovka djevojka”, a družili su se sa učenicima prvog razreda.
Pedagoškinja Ana Lalović kazala je da je muzičko-kreativno radionica osmišljena u susret predstojećem vjerskom prazniku, Vaskrsu.
„Pomoću raznih materijala, djeca su pravila čestitke u susret predstojećem prazniku. Djeca iz vrtića pozdravila su prvačiće pjesmicama, himnom vrtića i pripremljenim recitacijama, a nakon toga su naši prvačići pjesmicom poželjeli dobrodošlicu njima i njihovim vaspitačima. Djeca iz vrtića ”Kosovka djevojka” u saradnji sa njihovim vaspitačima napravili su čestitku za školu“, opisala je tok radionice Lalović.
Radom su koordinirali vaspitači vrtića “Kosovka djevojka” Rajka Savićević i Mirjana Perović i učitelji Biserka Marjanović, Milanka Cerović, Momčilo Kosović i Anka Mićović.
Radionice se održavaju u okviru saradnje OŠ ''Luka Simonović'' sa vaspitnim jedinicama JPU ''Dragan Kovačević''.
