U našem sastavu večeras nema Savića, Marušića, Radunovića, oni će propustiti ovaj junski ciklus. Sa Belgijancima neće igrati Marko Janković, ali hoće njegov kolega i imenjak iz Karabaga Vešović, od starta šansa i za vezistu Budućnosti, Brnovića...
Selektor Prosinečki ponovo će izvesti na teren ekipu u sistemu 4-2-3-1. Svjestan je snage Belgije, ali Crna Gora ide u meč bez želje da bude podređena. Na golu će biti Šarkić, posljednja četvorka Vešovič, Vujačić, Rubežić i Andrija Vukčević.
Na sredini Miloš Brnović i Edvin Kuč. Ispred njih djelovaće Jovetić, Osmajić i Camaj. U napadu Krstović.
"Trebamo biti zadovoljni što možemo igrati jednu ovakvu utakmicu. Imamo dobru atmosferu što je isto vrlo bitno, mislim da ćemo se pokazati u dobrom svijetlu!", rekao je selektor.
Selektor Belgije, Domeniko Tedesko, mogao bi večeras izvesti najjači sastav jer ovo su završni dani priprema za EURO na kojem Belgijanci imaju velike ambicije. Za očekivati je da vidimo De Brujnea, De Ketelara, Trosara, Dokua, Vitsela. Oni će nakon meča sa Crnom Gorom imati još jedan test, igraće sa Luksemburgom u subotu u komšijskom odmjeravanju snaga. Tedesko neće imati na Euru Tiba Kurtou, koji je branio za Real u finalu Lige šampiona, ali će propustiti kontinentalnu smotru najboljih. Zamjeniće ga, očekuje se, Koen Kastels.
Belgija je pretposljednja provjera za naš tim pred start Lige nacija na jesen. U nedjelju ćemo Pod Goricom dočekati Gruziju na debiju Roberta Prosinečkog pred domaćom publikom.
Crna Gora i Belgija igrali su samo jednom do sada. 25. maja 2012., takođe na stadionu Kralj Boduen u Briselu. Bilo je 2:2.
Večerašnji duel polinje u 20.30h.
