Nikšićani su u nastavku lige upisali dvije pobjede i uvećali prednost na tabeli.
"Rudar se dosta promijenio u odnosu na prvi dio sezone. Vidjeli ste da imaju oscilacije - prvu utakmicu su lako izgubili od Iskre, a poslije toga pobijedili Dečić u gostima. Neugodna su ekipa, imaju kvalitet, a nadam se da ćemo uspjeti da iskoristimo njihove slabosti i da ih savladamo. Sigurno je da će teren biti težak za igru, da neće odgovarati našem stilu igre. Otežani uslovi, ali cilj se ne mijenja. Probaćemo da ostvarimo pobjedu i da se što bolje prilagodimo uslovima u kojima ćemo igrati", kazao je u najavi meča trener Sutjeske, Milija Savović.
Meč na stadionu pod Golubinjom počinje u 14 sati.
