Iz ove nevladine organizacije su istakli da su, bez obzira što je epidemija prošla, neki ljudi zaista u potrebi za njihovim obrokom i da ih nikako ne smiju uskratiti za isti.
“Iako je uvoz roba i poslovanje kompanija znatno opao u našu kuhinju je juče došla donacija vrijednosti 1.500 eura iz Aroma i Conto marketa koji inače redovno doniraju za naše potrebe. Među doniranim proizvodima su proizvodi Conad tjestenina, riža, keks, balzamiko sirće, oliva sos za tjesteninu i drugi proizvodi za naše potrebe. Veoma smo zahvalni Aroma i Conto marketima i nadamo se i budućoj uspješnoj saradnji. Takođe smo od kompanije DIT DUGA dobili donaciju od 500 eura za potrebe naše kuhinje. Predstoji nam najteža borba jer će posljedice korona virusa tek sada da se osjete, ali nikako nećemo odustati, već nastaviti da se borimo jače i odlučnije za one kojima smo potrebni”, naveli su iz NVO Izvor života.
