"Dobili smo informaciju da turska kompanija planiraju da iznesu rezervne djelove, djelove konstrukcije... Obavijestili smo predstavnike EPCG, koju su nam kazali da ne znaju da li su ti djelovi unijeti u popis prilikom prodaje fabrike", rekao je Portalu RTCG predstavnik radnika Ivan Vujović.
Kako je naveo, EPCG će, ako vlasnik ima pravo da odnese djelove, pokušati da ih otkupe.
"Imamo informaciju da oni 10-15 dana izvoze djelove. Jedan dio materijala je bitan za dalju proizvodnju i to nećemo da dozvolimo. Cilj im je da ostave pustoš", istakao je Vujović.
Jedan dio radnika je i ušao u krug fabrike, a do daljeg čekaju šta će se dogovoriti EPCG i turska kompanija oko otkupa djelova.
