Kompletna uprava, stručni štab i zaposleni u klubu pridržavaju se mjera zaštite, dok administracija radi u manjem obimu.
Golman aktuelnog šampiona je kazao da su svi igrači dobili program aktivnosti kojeg će se pridržavati u skladu sa preporukama nadležnih, uz nadu da će šampionat što prije biti nastavljen.
“Što se tiče aktivnosti dok smo na pauzi dobili smo program koji bi trebali da odradimo, i nastojaćemo da sve to ispostujemo koliko god bude moguće. Situacija je takva kakva je i ne možemo ništa da promjenimo, a na nama je da poštujemo pravila i propise koji su nam dati, isto kao i kad smo na pripremama, da budemo disciplinovani, kako sportisti tako i svi ostali ljudi. Nadamo se da će ovo što prije proći i da ćemo se vratiti normalnim aktivnostima, treninzima i prvenstveno utakmicama”, kazao je za naš portal golman Sutjeske Vladan Giljen.
Sutjeska je nakon 23 odigrana kola druga na tabeli sa 11 bodova zaostatka za prvoplasiranom ekipom Budućnosti, a u drugom dijelu Prve Telekom lige “plavi” su zabilježili dvije pobjede, po remi i poraz.
