Sa devet novih igračica, jednim od najmlađih timova u ligi, ŽKK Nikšić ulazi sa skromnim ambicijama u sezonu.
“Novi smo u ligi, dosta igračica je došlo sa strane. Želimo da se borimo i da damo sve od sebe na svakom meču”, kazala je Anđela Lalović.
Skoro dva mjeseca traju pripreme za start Regionalne lige - odigrane su tri prijateljske utakmice i ekipa izgleda prilično spremno.
“Mislim da smo se dobro spremile, napredujemo i mislim da ulazimo spremne”, kazala je Lalović.
Prvi rival u debitantskoj sezoni je sastav Orlova.
“Nemamo rezultatki imperativ, ali želimo da premijerna utakmica bude uspješna. Ako damo 100 posto i zaustavimo plejmejkera rivala možemo da imamo dobar start”, kazala je Marija Petrović.
Duel košarkašica Nikšića i Orlova igra se u srijedu u dvorani SC Nikšić i počinje u 16:30h.
