„Svake godine od kada gazdujemo navedenim vodama vršili smo poribljavanje, pa smo tako i ove godine izvršili pripreme i o tome obavijestili Ministarstvo poljoprivrede, javnost i ribare. Poribljavanje je bilo planirano krajem aprila mjeseca i to kalifornijsom pastrmkom kao i prethodnih godina. Stupanjem na snagu novog Zakona o slatkovodnom ribarstvu od Ministarstva poljoprivrede dobijamo sugestiju da više nije moguće vršiti poribljavanje alohtonim (kalifornijskom pastrmkom) već samo autohtonim vrstama ribe“, objasnili su iz SRK „Nikšić-NK“.
Zbog toga su uputili određena pitanja Direktoratu za ribarstvo.
„Shodno navedenom zatražili smo od Ministarstva poljoprivrede i ruralnog razvoja (Direktorat za ribarstvo) da nam u što skorijem vremenu odgovore i daju svoje mišljenje: Sa kojim autohtonim vrstama se mogu poribljavati jezera i rijeke kojima gazduje SRK „Nikšić-NK“? Sa kojim količinama je potrebno izvršiti poribljavanje navedenih voda, kako ove tako i narednih godina do donošenja nove Ribolovne osnove“, pitali su oni.
Za kraj su dodali da od svog članstva očekuju da imaju strpljenja za novonastalu situaciju.
