Lider šampionata je pobjedom nakon preokreta prije sedam dana otvorio drugi dio sezone, dok su Petrovčani pod Malim brdom u susretu punom golova igrali neriješeno protiv Grblja, a rezultat je nakon 90 minuta igre bio 3:3.
Iako je tim Nikole Rakojevića favorit u ovom duelu, sigurno neće nimalo biti lako “plavima” da dođu do bodova protiv tradicionalno neugodne ekipe Petrovca, od koje su poraženi u gostima u prvom dijelu sezone.
Meč između Sutjeske i Petrovca igra se na Gradskom stadionu u Nikšiću od 14h kada će početi i ostali susreti 21. kola u kojima se sastaju Zeta – Iskra, Grbalj – Rudar, Mornar – Lovćen i OFK Titograd - Budućnost.
