Ekipa Nikole Rakojevića igrala je u dosta izmijenjenom sastavu u odnosu na tim koji igra prvoligaške mečeve, ali nije imala problema da upiše pobjedu u premijernom duelu u Kupu u novoj sezoni.
Prvi gol za "plave" postigao je Nemanja Nedić već u 3. minutu utakmice. Svojim prvim golom u dresu Sutjeske na 2:0 je povisio je u 23. minutu Libijac Zakaria Mohamed Elmabruk Alharaish, da bi konačan rezultat prvog poluvremena postavio Šaleta Kordić sa bijele tačke u 42. minutu.
Isti igrač postiže prvi gol u drugom dijelu meča, kada je bio precizan u 60. minutu. Na 0:5 povisio je Aleksa Marušić, a samo minut kasnije u strijelce se upisuje rezervista Marko Ćetković, da bi Libijac Alharaish u 86. minutu postavio konačnih 0:7.
