Simon Knežević mjesec dana u istanbulskoj Akademiji „GD tenis“

Petanestogodišnji teniser otisnuo se ove jeseni na međunarodnu scenu i na njoj odmah zaslužio epitet sportskog junaka.

Snagom svog talenta, Knežević nagovještava i ekslopiziju u narednim sezonama.  Ove sezone osvojio je šest trofeja, tri u singlu i tri u dublu, na tutnirima pod okriljem Evropske tensike asocijacije. 

Simon je naravno i sezonu za tenisere do 16 godina, na domaćoj sceni okončao trijumfalno, na prvom mjestu, a svojio je i Masters. Ovakvi rezultati doprinjeli su da se Simon nađe na odličnoj  poziciji 32. na listi Evropske teniske asocijacije (U 16).  Na listi ove asocijacije, koja će biti validna od 1. januara naredne godine, Simon će se naći među deset najboljih.  

Nedavno je Simon osvojio i titulu u dublu i stigao do finala Istanbula, gdje je i zapažen od najpozantije turske akademije „GD tenis“. Vlasnik ove akademije nagradio je Kneževića  sa mjesec dana besplatnog boravka u Istanbulu i radom sa najboljim turskim trenerima.  Ovaj poklon Simon može iskoristi u narednih godinu dana.