OŠ “Luka Simonović”: “Luča” za 21 učenika

“Vaša generacija je jedna od onih koju ćemo, siguran sam, često pominjati kao primjer mnogim generacijama. Takođe ste generacija koja je, nažalost, uskraćena za mnoge aktivnosti i trenutke koji su trebali da budu kruna vašeg devetogodišnjeg druženja. Okolnosti su bile takve da se na njih nije moglo uticati, ali je život pred vama i puno toga lijepog tek slijedi”, naveo je direktor škole Spasoje Gardašević u obraćanju lučonošama.

Siguran je, kako je istakao, da iz škole “Luka Simonović” nose lijepe uspomene, ali i znanje kojim će da krče životne puteve, da grade ljepšu i bolju budućnost, svoju i svoje zemlje.

“Mi smo ponosni na vas, generaciju sjajne djece okićenu sa 21 “Lučom”. Godine prolaze i ostaju samo sjećanja. Ne tugujte zbog rastanka sa svojim drugovima već čuvajte svoja prijateljstva i stičite nova, jer su ona nemjerljivo blago”, dodao je Gardašević.

Poručio im je da budu svoji, da imaju jasan cilj u životu, iskoriste sve svoje potencijale da stignu do njega, te da učine da ovaj svijet svakim danom bude još ljepše, ali i sigurnije mjesto za život.

“Najiskrenije vam želim da izrastete u dobre i plemenite ljude, da vama i vašim najdražima svaki dan u životu bude radostan i ispunjen ljubavlju. Sa posebnom pažnjom ćemo pratiti vaše uspjehe i radovati se njima, jer budućnost pripada onima koji vjeruju u ljepotu svojih snova. Samo naprijed i borite se da jednog dana postanete ono što želite”, dodao je direktor.

Diplomu “Luča” su dobili:

IX-1 odjeljenje

1. Martina Jovović

2. Matija Abazović

3. Teodora Daković

4. Đurđina Narančić

5. Josipa Popović

IX-2 odjeljenje

1. Marija Sarić

2. Milica Vukotić

3. Aleksandra Pejović

4. Anja Nikolić

5. Petar Kasom

6. Ašanin Andrija

7. Nađa Tomašević

8. Đina Perović

9. Maja Perošević

IX-3 odjeljenje

 1. Joković Elena

2. Koprivica Vasilisa

3. Kosović Milena

4. Lalićević Teodora

5. Samardžić Mili

6. Todorović Milica

7. Vukotić Maša