EP: Hrvatska zaustavila “Ajkule”, Barselona nije Malaga

Dobra igra “Ajkula”, naročito u prva dva dijela igre kada su imale i dva gola prednosti ipak nije rezultirala pobjedom jer je aktuelni prvak svijeta uspio da se povrati i odličnom igrom naročito u posljednjoj četvrtini riješiti susret u svoju korist.

Odlično su naši vaterpolisti ušli u meč i nakon čvrste igre u odbrani uspjeli su u prvoj četvrtini dva puta pronaći put do gola Hrvatske. Golove za Crnu Goru postigli su Spaić i Ivović, da bi do isteka prve četvrtine i “Barakude” uspjele da se preko Šetke maknu sa nule i smanje na 2:1.

Nakon nekoliko pokušaja i jednih i drugih vaterpolista prvi do gola i u drugom dijelu igre stižu Gojkovićevi izabranici, koji su golom Petkovića iskoristili igrača više i došli ponovo do prednosti od dva gola. Konstantni napadi Hrvata rezultirali su golom Buljubašića, da bi odmah uzvratio Janović koji postiže četvrti gol za naš tim.

I treća četvrtina donijela je nova uzbuđenja, a ovaj dio igre u svoju korist rešava Hrvatska rezultatom 4:2 čime je anulirala prednost “Ajkula”, pa se sa neriješenim ishodom ušlo u posljednjih osam minuta. Golove za Crnu Goru postigli su Janović i Petković, dok su na suprotnoj strani pogađali Macan, Buljubašić, Fatović.i Vukićević.

Posljednji dio igre protekao je u dominaciji Hrvatske koja je uspjela primiti samo jedan gol, a postići tri i tako prelomiti meč u svoju korist.