“Bajkeri dobre volje” posjetili korisnike Dnevnog centra

Član bajkera, Nikola Čvorović kazao je da je fondacija fokusirana na djecu.

“Drago nam je da ste nas ovako lijepo dočekali, nama je puno srce da možemo nekome da pomognemo, da obradujemo djecu. Mi smo tu, da znaju da nijesu sami i da imaju veliku podršku i pomoć”, kazao je Čvorović.

Bajkeri su, kaže Čvorović, pomagali dječji vrtić “Pinokio”, a oni su danas odlučili da doniraju poklone Dnevnom centru.

“Kad spomenu bajkere i čuju zvuk motora, kažu, to su oni opasni, a u suštini sam naš logo je srce, mi smo prije svega porodični ljudi, humani, želimo i trudimo se da pomognemo. Želimo da razbijemo predrasude da smo opasni bajkeri, kako se priča. Mi smo ljudi iz naroda”, objašnjava Nikola. 

Direktor Dnevnog centra, Radovan Draganić, kazao je da ovakve posjete znače puno za njihove korisnike.

“To je i skretanje pažnje na njih. Društvena sredina se na neki način okrenula i razvila se svijest kod naroda i ovoga je sve češće, a i mi sve češće boravimo van ustanove. Ovo je neka nova priča”, kazao je Draganić.