Četiri filma danas u Cinemi 213

Animacija “Sonikov film 2” na repertoaru je u 14.05h, a zatim u 16.15h prikazaće se film “Ljeto kad sam naučila da letim”.

“Fantastične zvijeri: Tajne Dambldora” novi nastavak čarobnjačkog svijeta, autorke najpoznatijeg čarobnjaka na svijetu Harija Potera, prikazuje se u 18h.

“Profesor Albus Dambldora shvata da veliki mračni čarobnjak Gelert Grindelvald želi da preuzme nadzor nad čarobnjačkim svijetom. Kako ne može sam da ga zaustavi, u pomoć mu priskače Njut Skamander, koji predvodi neustrašivu ekipu čarobnjaka, uz pomoć jednog „normalca“. U nevjerovatnoj misiji susreću se stare i nove magične zvijeri od kojih je dio na Grindelvaldovoj strani. Međutim, Dambldor, zbog velikog rizika i opasnosti, neće dugo ostati po strani. U filmu se pojavljuje već sada poznata glumačka postavka, koju predvodi oskarovac Edi Redmejn, dvostruko nominovani oskarovac Džud Lo, Ezra Miler, Dan Fogler, Alison Sudol, Kalum Tarner, Džesika Vilijams, Ketrin Vaterston i Mads Mikelsen”, navodi se u sinopsisu.

“Fantastične zvijeri: Tajne Dambldora” režirao je Dejvid Jejts po scenariju, koji su napisali Dž. K. Rouling i Stiv Klovs.

U 20.30h slijedi “Sjevernjak”. Od proslavljenog reditelja vizionara Roberta Egersa (Vještica, Svetionik) stiže film “Sjevernjak” sa Aleksanderom Skarsgardom, Anjom Tejlor-Džoj, Nikol Kidman, Itanom Hokom, Viljemom Dafoom i Bjork u glavnim ulogama.

“Ovo je epski triler o osveti koji istražuje koliko daleko će vikinški princ otići tražeći pravdu za svog ubijenog oca. Sirovu emociju, magiju ali i surovost vikinškog svijeta, po scenariju i u režiji Roberta Egersa, oživjeli su neki od najboljih glumaca današnjice”, stoji u opisu filma.