Očajni “sokoli” u nadoknadi do tri nova boda

U prvom poluvremenu do 45. minuta vrijedna pomena bila su samo po dva šuta s obje strane šesnaesterca, ali baš pred kraj poluvremena domaći tim je kreirao najbolju priliku u prvom dijelu susreta.

Odlični vezista Til, nakon prodora po desnoj strani ubacio je loptu u kazneni prostor, Rodrigez šutirao u donji desni ugao golmana Mijatovića i pogodio stativu. Lopta se potom odbila do Martinsa koji nije bio skoncentrisan da sa nekoliko metara plasira loptu u gol.

U nastvaku meča reperzentativci Luksemburga nastavili su tamo gdje su stali na kraju prvog dijela meča. Ređali su se napadi i šanse za domaći tim, ali je odbrana, na čelu sa večeras fenomenalnim Mijatovićem,  odoljela do kraja susreta. I taman kad se čekao kraj susreta, grešku u odbrani Luksemburga iskoristio je brzi Hakšabanović koji je srušen u šesnaestercu. Sa bijele tačke siguran je bio Bećiraj.

Crna Gora nakon dva kola ima 6 bodova  i nalazi se na prvom mjestu, dok je drugi Luksemburg sa tri boda manje, koliko ima i Azerbejdžan.

U drugom susretu grupe C1 Lige nacija Azerbejdžan je savladao Kipar u gostima rezultatom 0:1.

Upravo je Azerbejdžan naš naredni rival sa kojim ćemo se sastati 10. oktobra na stadionu pod Goricom.