Barbara Munjas: Nije mala stvar biti dio Lake fest-a

„S obzirom na to da se radi o mom prvom nastupu u Crnoj Gori smatram da publika prvenstveno može očekivati upoznavanje sa mnom i muzikom koju stvaram. Dolazim u najogoljenijoj varijanti, moja gitara i ja. Ono što će publika moći čuti je čista esencija pjesama, sama srž oko koje se naknadno gradi ostatak priče. Posebno me raduje to što ću pjesme predstaviti u tom ogoljenom ruhu, onako kako su zapravo i nastale, zato što taj način ne ostavlja prostora za prikrivanje, svaka emocija izlazi na vidjelo…i iskreno, uživam u tome!“, kazala je ona.

Približavanjem trenutka izlaska na scenu kraj jezera, uzbuđenje, kako kaže, proporcionalno raste.

„Mislim da nije mala stvar biti dio festivala koji kroz sve te godine održavanja ima tako bogat program i jake izvođače i jako mi je drago što postajem dio te priče. Mislim da ću prave utiske steći onog trenutka kada se nađem tamo i doživim uživo cijelu atmosferu. Jedva čekam da upijem energiju Lake festa i dam dio sebe u cijeli događaj“, iskrena je ona.

Ipak, očekivanja od nastupa su skromna.

„Ne bih voljela opteretiti leđa nečime što možda ne bih mogla izvršiti stoga se za sada držim jednostavnosti. No, nikad se ne zna, možda iznenadim i samu sebe“, zaključila je ona.

Njen nastup planiran je za prvo veče Lake-a, 9. avgista u 19.40h.