Autor: onogost.me
Foto: pixabay.com
22:07
17.1.2019.

Kako ublažiti simptome prehlade kod vaše bebe

Novorođene bebe lako “uhvate” prehladu, što može usporiti njihovo disanje. Zato je važno prikladno ih utopliti. Normalna tjelesna temperatura je oko 37 stepeni i najbolji je pokazatelj da li je bebi prehladno ili pretoplo.

Ipak, ne treba pretjerivati i stalno mjeriti temperaturu. Za bebu je, zapravo, idealna temperatura vašeg tijela i savršeno bi bilo kad biste novorođenče mogli što češće držati u zagrljaju, u kontaktu sa kožom, naročito dok dojite.

Ako se beba, ipak, prehladi, evo nekoliko savjeta:

1. Ako joj curi nos, najbolje je da je pokušate staviti potrbuške tako da joj glava lagano visi, tako sekret iz nosa može iscuriti vani, umjesto u pluća. Nikako bebu ne ostavljajte u tom položaju tokom noći. Podmetnite nekoliko knjiga pod dječiji krevetić – na mjestu gdje su noge ili bebu stavite na jastuk tako da joj glava lagano visi. Isto tako, bebu možete staviti na prsa sa glavom na ramenu i čuvati je tako nekoliko minuta.

2. Važno je da je zrak za vrijeme bebine prehlade vlažan.

Najbolje bi bilo navlažiti pelenu i prekriti preko krevetića, tako će se vazduh vlažiti najbliže bebi. Isto tako, možete na pelenu kapnuti kap eteričnog ulja (eukaliptus). Stavite samo malo eteričnog ulja da ne bi previše nadražilo bebinu sluznicu.

3. Važno je da joj redovno čistite nosić.

Ako je beba mlađa od tri mjeseca, bolje izbjegavajte pumpicu. Ispirite nos otopinom sljezovog korijena (prstohvat sljezovog korijena stavite u decilitar mlake vode dok ne otpusti sluz) malom kapaljkom.

Možete i napraviti ovu tečnost. Jednu punu čajnu kašiku soli rastopiti u pola litra prokuvane vode. Napuniti u bočicu s kapaljkom. Možete je koristiti neograničeno, čak i kod dojenčadi.

4. Ukoliko dojite, čak i ako ste sami prehlađeni, hranite bebu za vrijeme prehlade što češće, jer prehlađeno dijete gubi više tekućine, a dojenjem mu dajete potrebna antitijela koje sama beba još ne može tako dobro stvarati.

Izvor: Avaz.ba

Ostale vijesti iz kategorije