Autor: onogost.me
Foto: Facebook
10:44
19.1.2020.

Evo kako je pisao Glas Crnogorca o poplavama u Nikšiću 1896. godine

Nikšićko polje je plavilo i prije više od 120 godina, a o tome su pisale i tadašnje novine.


Na Facebook stranici “Ja volim Nikšić!” objavljen je isečak iz novina Glas Crnogorca koji svjedoči o poplavama u našem gradu 1896. godine.

Isječak prenosimo u cjelosti:

“Poplava je po cijelom polju prihvatila usijata žita i nepovađene krtole. Osobito voda je prihvatila u Bare Miločanske i Brezovačke sijena te nanijela veliku štetu.

Most pred vojenim stanom i most na put idući k Bistrici pali su. Prolazak samo za pješaka.

Šteta u žitu, sijenu, krtoli i zelju, a osobito za one u polju, nije moguće procijeniti, jer je voda sve zahvatila.most pod Bučom, drugi pod kućom oficira Radojice Durova, treće fabriku i četvrti na istoj rijeci zvani sacki most pali su. Preko mosta Moštanice ne može se preći, također i preko Kusickog mosta. Što se tiče mosta pod Brezovik, voda ga je okolila sa svake strane. Preko Benta na Carevom mostu voda je tako velika da je saobraćaj prekinut, samo se prelazi barkom. U polju nikšićkome potopljeno je 40 kuća a čeljad im većinom bez ništa ostala, jer nijesu mogli spasavati ljetinu. Neki od njih spasli su se po glavicama što niču iz nikšićkog polja, ali se k njima ne može u pomoć, dok se kerepi ne poprave. Mnoge famelje sklonile su se po kućama seoskijem, koje su izvan vode, ali voda raste, pa i njima prijeti poplava. U kapetaniji Ozrinskoj voda je uhvatila 13 kuća i veliku štetu ičinila u žitu i sijenu. Mlin Jovana Kovačevića na Gračanici voda ponijela, a pritisla je 230 rala ozimice. U Pivi je također bilo velikijeh šteta.”

Glas Crnogorca 09.11.1896. godine

Ostale vijesti iz kategorije